Bahasa Iban. Tahun 4 9789834924836

Citation preview

ISI Pelasar Jaku Penerang Ikon

v vi

Dunya Diri Empu Unit 1: Primari 4 Allamanda Unit 2: Taman Sains

1-6 7-12

Dunya Ensera enggau Cherita Unit 3: Ensera Waris Bansa Unit 4: Cherita Kitai

13-18 19-26

Waris Pesaka Bansa Iban Unit 5: Rumah Panjai Kitai Unit 6: Pemakai Kitai

27-34 35-42 iii

Rampa Menua Unit 7: Menua Dijaga Pengidup Menyana Unit 8: Sayauka Rampa Menua Unit 9: Lanting Menua

Sains enggau Teknologi Unit 10: Kebun Apai Antas Unit 11: Sayur Organik Bemacham Bansa

43-50 51-58 59-66

67-74 75-82

Konsumerisma enggau Penemu Finansial Unit 12: Pengerami Sekula 83-90 Unit 13: Tamu SK Munggu Berangan 91-98

Kaul dalam Konteks Global Unit 14: Datai Mai Pengelantang, Pulai Mai Kenang 99-106 Unit 15: Ke Langit Nyadi Bintang 107-114 iv

PELASAR JAKU Bup Teks Jaku Iban Primari 4 tu bemalinka Dokumen Standard Kurikulum dan Pentaksiran (DSKP), Bahagian Pembangunan Kurikulum, Kementerian Pendidikan Malaysia ti bekonsepka pengawa betanam betupi. Konsep tu ulih nambahka penemu, ngerembaika runding sereta nemu kaul enggau elemen ti amat beguna baka sains enggau teknologi, pengawa dagang sereta angkun nyaga rampa menua. Sistem jaku ti dikena dalam bup teks tu bepelasarka bup Sistem Sepil Jaku Iban Di Sekula ti dikeluarka Bahagian Pembangunan Kurikulum, Kementerian Pendidikan Malaysia dalam taun 2007. Bup tu ngundan tujuh iti tema ti dibagi ngagai 15 unit. Tema tu nyengkaum Dunya Diri Empu, Dunya Ensera enggau Cherita, Waris Pesaka Bansa Iban, Rampa Menua, Sains enggau Teknologi, Konsumerisma enggau Penemu Finansial sereta Kaul dalam Konteks Global. Nengah tema tu, nembiak ditarak pengelandik jaku enggau sistem jaku baka mending enggau bejaku, macha, jalai jaku, nulis enggau bungai jaku. Kelimpah ari nya, bup tu dikearapka ulih nempa nembiak ngembuan Pengelandik PAK21 ngena chara pengelandik bepikir enggau pengelandik daya idup bepelasarka pemai ulah ti menyana belalauka langkah rapat Kurikulum Standard Sekolah Rendah (KSSR) ti betukuh modular. Kepenudi, bup tu ngemeratka Pengelandik Bepikir Tikas Tinggi (PBTT) ti meransang nembiak ngena penemu enggau pengelandik ngena refleksyen sereta bepikir nentuka pemutus runding ari serenih ke silik lebuh mutarka penanggul. Iya ngundan Elemen Neresa Kurikulum (ENK) ngambika ulih ngenegapka pengelandik enggau seregah diri ti disadang ulih napi penguji dalam pengidup besehari-sehari.

v

PENERANG IKON

Unit Ikon lumur unit. Aram Mending enggau Bejaku Dikena ngajar pengelandik bekomunikasyen enggau interaksyen ti engkeman.

Penyedal Dikena mantu nerangka sekeda leka jaku tauka pekara ti bisi dalam pengelandik ba teks.

Aram Macha Dikena ngajar pengelandik macha ngena intonasyen ti betul sereta ngulihka penerang dalam teks ti dibacha.

Lumur Standard Pelajar Dikena ngayanka fokus pelajar.

Aram Nulis Dikena betarakka pengelandik nulis ba mayuh bengkah teks. Bungai Jaku Dikena ngemeranka pengelandik belajarka leka main, jaku sempama sereta tarak beperindang. Jalai Jaku Standard jalai jaku numpuka chara ngajar pengelandik jalai jaku ti ngundan leman raban sereta tukuh jaku.

vi

Lumur Lambar Dikena ngayanka lumur ba bup.

Audio DVD Kereban dikena mantu ngajar enggau ngemudahka chara. PBTT Dikena nyengkuran runding nembiak. PAK21 Dikena nerangka pelajar nya ngundan Pengelandik PAK21. Pengukuh Aktiviti ti dikena ngukuhka penau, pengulih, pengelandik enggau pengerindu nembiak.

Unit 1

PRIMARI 4 ALLAMANDA

Aram Mending enggau Bejaku Dingaka audio. Besaup Nyaga Pemeresi Sehari sebedau sekula berengkah, Pengajar Beremas begulai enggau bala nembiak Primari 4 Allamanda meresi sereta ngias kelas.

Aktiviti Berandauka pengawa bepelasarka audio. 1.1.1

1 Audio 1

Aram Macha Bacha teks di baruh tu ngena patah sebut ti betul. Kelas Beresi, Ransing Berari Hari keterubah besekula, Pengajar Beremas ngabas kelas Primari 4 Allamanda. “Selamat pagi. Manah amat tuchum bala kita pagi tu peda aku,” ku Pengajar Beremas. “Selamat pagi, pengajar,” saut bala nembiak. “Kami sebuat andal amat meda kelas kitai udah beresi sereta manah. Lantang ati diau ba kelas ti likun, pengajar,” ku Jimbat. “Amat nya. Pengawa nyadi lempung enti bela besaup. Kelas ti beresi mai pengeransing ati lebuh belajar. Terima kasih,” ku Pengajar Beremas enggau ati ti gaga. “Sama-sama, pengajar,” ku bala nembiak sambil betempik jari.

Aktiviti Nyepil enggau macha leka jaku ti bechura mirah enggau betul. Latih Liska leka jaku ti ngundan siti, dua, tiga enggau empat patah sebut ngena kar kayu. 2.1.1

2

Jalai Jaku Bacha ayat ti ngundan jaku pengenap tesa. 1

2

Janta nanam tiga pun bungai ba pasu. 3

Antas enggau Suraya nganchau selambar tikai ba librari. 4

Dua iku nembiak nya benung ngantung tirai jenila kelas.

Seraban nembiak benung ngerupan meresi kandang sekula.

Aktiviti Ngelala jaku pengenap tesa bagi mensia enggau ukai mensia. Latih Tulis lima iti ayat ngena jaku pengenap tesa ti engkeman. 5.1.1 (i) (ii)

3

Aram Nulis Giga enam iti jaku pengawa ti dilalaika dalam pitak di baruh. 1

2

n u s n y a t d q m n m n g e g a g h w g d n o e u n u s n n g s m d g h u w d s j n k q n g e r u

3

5

u p e j k f q r n d a s f u b q f e z p y a p u t s q e e g h u y r t x p a n w

s g n g a n t u n g

4

6

Aktiviti Nyepil lalu nyebut jaku pengawa enggau betul. Latih Tulis lima iti ayat ngena jaku pengawa ti bukai enggau betul. 3.1.1

4

Bungai Jaku Dingaka audio leka main. Sekula Diasi, Nembiak Pegari Dit dinai menidit dinai, Aram angkat kitai tu wai, Betempap jari bala kitai, Entak kaki sama seretai, Perindang ati sama begulai, Dit dinai menidit dinai. Dit dinai menidit dinai, Sama seati saup meresi, Bisi besapu bisi betuchi, Agih pengawa anang dilengka, Kelas beresi manah dipeda, Dit dinai menidit dinai. Dit dinai menidit dinai, Nyangkul tanah nanam bungai, Tusun manah engkeman alai, Peda ke kiba peda ke kanan, Tu mih asil pengawa ngerupan, Dit dinai menidit dinai.

Aktiviti Nyadaka leka main sereta ngena aksyen ti engkeman. 4.1.1 (i) (ii) (iii)

5 Audio 2

Pengukuh Seridi Bacha inggar nitihka patah sebut ti betul. muat

ngema

nyanggit

dikerembai

nyeruri

bekeberai

Pengaya Isi lapang ngena jaku pengenap tesa ti diberi.

lambar

genteran

singkap

lebuan

1. Sida Antas bisi tiga ... tawak. 2. Bala nembiak dipinta nulis dua ... leka lagu. 3. Usun enggau indai iya meli empat ... tikai ba pasar. 4. Indai Jimbat meli sepuluh ... pinggai ari kami kemari. Tisih 1. Tulis tiga iti ayat ti ngundan jaku pengenap tesa bagi ukai mensia. 2. Tulis tiga iti ayat ti ngundan jaku pengenap tesa bagi mensia. 3. Tulis ayat ngena jaku pengawa di baruh tu. nuchi 6

nyangkul

ngumpul

nyumai

nepu

Unit 2

TAMAN SAINs

Aram Mending enggau Bejaku Dingaka audio. Taman Sains SK Munggu Berangan Pengajar Seman mai nembiak Primari 4 Allamanda ngelawa taman sains sekula ti baru dibuka. Selamat datai ke Taman Sains SK Munggu Berangan. Lebuh datai ditu, kitai mesti nitihka atur ti ditetapka sekula. Sekeda atur tu dikena nyaga utai idup baka kesulai, bungai enggau engkatak.

Aktiviti Ngeluluka diri nyadi Pengajar Seman. Latih 1. Tulis tiga bansa utai idup ba taman sains sekula ti ditemu nuan ngena 1. kar gelembung. 2. Ba runding nuan, nama kebuah kitai patut siru enggau utai idup? 2. 1.1.2

7 Audio 3

Aram Macha Bacha lalu beri respons ngagai teks ti udah dibacha.

Atur ba Taman Sains SK Munggu Berangan Jaga pengelikun diri.

1.

Ditagang matahka bungai.

2. 3.

Jaga pemeresi taman sains.

4.

Enda dikemendarka belanda. Meri ikan ngena pemakai ti disediaka.

5. 6.

Minta pemendar sebedau ngelawa taman sains.

Aktiviti 1. Nerangka reti leka jaku ke bechura nitihka konteks. 1. 2. 2. Ngena chara beraban, gaga ayat ngena leka jaku ke bechura lalu bacha ba mua kelas. Latih Tuliska kebuah kitai mesti nyaga pemeresi taman sains sekula ngena kar gelembung lalu bantaika ngena gallery walk. 2.2.1 (i) (ii)

8 Audio 4

Jalai Jaku

Tesa kedua

lapan

kelima

tujuh

ketiga

lima

Aktiviti

Pengenap tesa kardinal iya nya jaku tiap ti nunjukka penyampau tauka pemayuh utai ti tetap. Chunto ayat: Indai Jimbat meli tiga igi buah nyiur. Pengenap tesa ordinal iya nya jaku tiap ti nunjukka gintir tauka rurun. Chunto ayat: Jimbat nembiak keterubah nembuka latih nya.

1. Ngaga siti kar kayu senentang pengenap tesa kardinal enggau ordinal. 2. Mandangka kar kayu ti udah tembu ba mua kelas. Latih Tulis tiga iti ayat ngena pengenap tesa kardinal enggau tiga iti ayat ngena pengenap tesa ordinal. 5.1.1 (iii) (iv)

9

Aram Nulis Peratika gambar di baruh tu.

Kereban Betanam Chara Fertigasyen

1. polybag sayur

2. ... kapilari

3. sum ...

4. ... ai

5. kibung ...

Aktiviti Berandauka kereban betanam chara fertigasyen. Latih Tuliska leka jaku ti engkeman belalauka gambar. 3.1.2

10

Bungai Jaku Dingaka audio tu. Pelandai Peransang Landik mih kita pengajar, Di chunggai tunjuk dua, Rawang di lempuang arung dada, Nempa modal mensia ti pintar, Taman sains alai belajar, Rinduka bungai lebat begembar, Minan spesies jelu ti pintar. Belajar mih kita bebendar, Endu lengayun endun kumang, Bulih pemandai idup senang, Apai indai gaga ati lantang. Senang mih kita ila bujang, Belajar kita anang limpang, Bansa maju menua mansang, Teknologi diatu nadai penimpang, Kena enggau likun nuju pemansang.

Aktiviti 1. Nyadaka pelandai nitih entak sebut ti betul. 1. 2. 2. Berandauka ukur pemanah ti bisi dalam pelandai. Latih Ba penemu nuan, nama tuju pelandai disadaka dalam pengidup bansa kitai? 4.1.2

11 Audio 5

Pengukuh Tisih A. Isi lapang di baruh tu ngena leka jaku ti disediaka.

keterubah

singkap

gulung

lima

sebilah

1. Suraya meli tiga ... pinggai ba kedai. 2. Apai Janta benung ngambuh ... duku. 3. Aki Sambai nupi ... iku ikan keli ba pegung. 4. Apai Runai ngena lapan ... dawai magar kebun iya. 5. Aki Antas orang ... nyadi kepala pengajar ba SK Munggu Berangan. B. Tulis lima ayat belalauka pengawa dalam gambar di baruh tu.

12

Unit 3

ENSERA WARIS BANSA

Aram Mending enggau Bejaku Dingaka audio. Lee Ming berandau enggau Jimbat senentang cherita ti udah dibacha iya. Lee Ming: Jimbat: Lee Ming: Jimbat: Lee Ming:

Selamat pagi, unggal. Selamat pagi. Nuan rindu ninga ensera, unggal? Rindu unggal. Nama dih? Demalam aku macha ensera Tekura seduai Jugam betanam pisang. Jimbat: Apu nih, lagi nuan nusika aku unggal! Lee Ming: Au mih, unggal.

Aktiviti Ngeluluka randau di atas ngena lingguk tubuh ti betul lebuh meri respons. 1.1.3

13 Audio 6

Aram Macha Bacha teks di baruh tu ngena intonasyen ti engkeman. Umbang Diberi Isi Diambi Datai ba kebun pisang Tekura, Jugam lalu ngerara, “Apu, udah bebuah pisang nuan unggal!” “Udah, kati enggi nuan udah bebuah?” tanya Tekura. “Engku bedau nyadi unggal, lalu bedau bebuah,” saut Jugam. “Enti baka nya, aram mih tua ngambi buah pisang aku,” ku Tekura. Enda chamang-chamang Jugam lalu niki pun pisang. Jugam lalu bedau ga muai buah pisang. Tudah Tekura nyau besap-besap mata nganti ba baruh. “Unggal nama umbang aja dibuai nuan?” tanya Tekura. “Hahaha ... nganti dia mih,” ku Jugam. Ati Tekura lalu berasai enda nyamai. Iya nemu diri udah dikeduan Jugam.

Aktiviti Betanya saut dikena ngulihka penerang ari teks ti dibacha. Latih Tuliska kebuah Tekura enggai bebakih enggau Jugam. 2.2.1 (iii) (iv)

14

Jalai Jaku Bacha lalu kelala leka jaku nama enggau frasa jaku nama dalam ayat di baruh. Manuk Banda enggau Menaul Burik

Manuk Banda lelaki nginjau jerumat ajih ari Menaul Burik lelaki.

Manuk Banda lelaki benung nyait sayap iya. Iya gaga ati laban sayap udah tembu dijait.

Menaul Burik lelaki betemu enggau Manuk Banda lelaki. Iya minta pulai jerumat ajih ti dijali iya ngagai Manuk Banda lelaki. Aktiviti Rintaika jaku nama enggau frasa jaku nama bepelasarka teks di atas ngena kar gelembung. Latih Tulis tiga ayat mudah ngena jaku nama enggau frasa jaku nama: 1. jerumat 2. kampung jerung 3. gerugu batu 5.1.1 (v)

15

Aram Nulis Bacha teks di baruh tu. Manuk Banda Ngiga Jerumat

Lee Ming Online

Aku deka bekunsi ensera enggau bala kita. Nyadi tu munyi iya. Pagi siti, Menaul Burik datai baru betemu enggau Manuk Banda nitihka semaya seduai sebedau tu. “Dini jerumat aku dih akih?” ku Menaul Burik. “Empai temu aku akih. Ulih nuan meri aku peloang ngiga baru?” tanya Manuk Banda. “Apu, anang piak akih! Jerumat pesaka kami nya akih,” ko Menaul Burik. Dia mih Menaul Burik berasai enda lantang ati. Iya lalu nangkan Manuk Banda entik nginjau utai orang anang injau kara. Nya meh kebuah, nyentukka sehari tu manuk semampai ngeranjai tanah laban deka ngiga jerumat ti lenyau.

Aktiviti 1. Macha teks ngena entak sebut ti betul. 1. 2. 2. Ngena chara beraban, giga lalu kemetulka sepil leka jaku ti salah dalam teks. Latih Tulis baru teks ngena sepil ti betul dalam bup latih. 3.1.3

16 Audio 7

Bungai Jaku Dingaka audio lalu sadaka lagu di baruh tu. Peransang Aku Ngena Lagu Aram mih kitai sama belagu, Nitihka aku, Angkat mih jari sama sereta, Enggau ati gaga.

Aram mih kitai sama macha, Mayuh ensera, Meri peransang nyadika tanda, Kitai semua.

Dinga bakih semua, Ensera kitai pesaka bansa, Waris bansa patut dijaga, Ulih dikenang kitai belama.

(ulang 2x)

(ulang 2x) (Tiun lagu: Semina Duduk Berimbai)

Aktiviti Nyadaka lagu di atas ngena patah nyawa enggau lingguk tubuh ti betul. Latih 1. Tulis dua ukur pemanah bepelasarka lagu di atas ngena chara beraban lalu bantaika asil ngena chara gallery walk. 2. Tulis rambai jaku ti sama enteli. 4.1.3

17 Audio 8

Pengukuh Seridi Isi lapang ngena ayat ti ngundan senimbal munyi di baruh tu.

Belajar kitai anang rindang

Umbak mangka gerugu batu

Malam terang kebelik bintang, Bulan manchar tampak pegari, ... Ngambi enda tinggal dudi hari. Tebing tasik manah diperening, ... Belajar kitai enggau ati ransing, Ngiga penemu dunya maju. Pengaya Tulis ayat ngena frasa nama di baruh tu.

kedai bungai

baju ujan

bas sekula

Tisih Tulis siti cherita pandak dalam bup latih. 18

rumah beringkat

Unit 4

cherita kitai

Aram Mending enggau Bejaku Dingaka audio.

Pemakai Nentuka Pengerai Aram makai buah sama bela ngasai, Mayuh mih pemanah ngagai tubuh kitai, Buah mayuh guna nyaga kulit tua, Ngasuh lansik mata gerai belama. Aram makai sayur anang kakang-kakang, Idup kitai mujur ati pan lantang, Ngundan vitamin C tambah enggau zat besi, Darah lanchar beresi penyakit pan rari. (ulang 2x) (Tiun lagu: Tanya Sama Pokok )

Aktiviti Nyadaka leka main nitihka ton, enteli enggau entak sebut ti betul. Latih Ngena chara beraban, liska penguntung makai buah enggau sayur ngena kar segala rata. 1.2.1

19 Audio 9

Aram Macha

Bacha teks di baruh tu. Tekura Menang Baru Kera ngemataka Tekura enggau Chit Tasik belumba. Iya alit ati meda Tekura ulih menang ba pekit belanda. “Kati Tekura ulih menang?” ku Kera bejaku kediri. Kera nurun ari pun kayu lalu betemu enggau Tekura. “Apu, laju amat nuan tadi! Enda aku nyangka nuan ulih menang,” ku Kera. “Eh, enda aku tu laju dih! Semadi mih nya,” ku Tekura. Ketegal alit ati, Kera lalu mai Tekura bepekit ngumpul buah raba. “Sapa dulu menuhka raga, iya mih menang. Ulih nuan unggal?” tanya Kera ngenyumbungka diri. “Apu, agi lelak aku tu! Enti nuan mai, deka ga nguji. Pagila tua betemu baru ditu,” saut Tekura ke benung murus kaki iya.

20

Pagi nya, seduai sama mai raga betemu ba endur ti udah disemaya. Seduai sama setuju ngasuh Pelanduk nyadi akim pekit nya. Berengkah mih pekit nya, Kera enda chamang-chamang belanda ngumpul buah raba. Tudah Tekura agi begadai-gadai bejalai mai raga. Nyau setengah raga buah raba udah diambi Kera, iya ngetu lalu merening Tekura. Iya engkakah ketawa meda raga ti dibai Tekura agi puang. Kera majak ketawa sambil ngeluluka pejalai Tekura. Enda mukai-mukai, Kera tepuruk ba siti lubang besai lalu kaki iya tepiluk. Iya enda ulih ngangkatka diri. Buah raba ke udah digumpul iya abis siuh. Enda lama udah nya, raga Tekura pan penuh. Pelanduk lalu madahka Tekura menang dalam pekit nya. Kera nesal laban iya balat ngemaruhka Tekura.

Aktiviti Macha inggar teks ngena intonasyen ti betul. Latih 1. 1. Liska ayat tanya enggau ayat tekenyit dalam teks. 2. Ngena chara think-pair-share, betanya saut belalauka teks ti 2. udah dibacha. 2.3.1

21 Audio 10

Jalai Jaku Keluluka randau di baruh tu. Kera Bedaja Lemai siti, Tekura ngelawa Kera ti benung bedaja. Nyamai amat jus tu. Seduai Jugam ngaga tu, unggal? Jugam ngempu buah ti dijual tu? Manah amat dagang nuan. Arapka nuan terus mujur.

Au, kenduai mih. Enti ka makai buah, bisi mih dijual. Ukai, engku magang nya. Iya semina nyaup aku bedaja. Terima kasih, unggal.

Aktiviti Buntis jaku ganti nama diri, jaku nama pengempu enggau jaku ganti nama rama ngena kar kayu. Latih Tulis ayat ngena jaku ganti nama diri, jaku nama pengempu enggau jaku ganti nama rama. 5.1.2 (i) (ii) (iii)

22

Aram Nulis 1. Tusun leka jaku ngambika nyadi ayat ti engkeman. (a) benung pisang.

buah makai

Kera

(b) atas

Tekura

bejembi

ba

batu.

2. Tipak frasa ngambika nyadi ayat ti engkeman. bulu jugam

bejelangkit ba pun kayu

kera landik

dalam ai

lelabi diau

bauh sereta bechura chelum

3. Tulis baru ayat di baruh tu ngena tanda bacha ti betul. (a) apu mayuh amat rian ba pun siti nyin ku tupai (b) dini nuan ngambi buah sibau nya kera tanya jugam (c) tekura kera enggau jugam suah begulai lebuh ngereja pengawa 3.2.1 (i) (ii) (iv)

23

Aram Nulis Peratika situasyen lalu bacha teks di baruh tu. Kebun Pelanduk A. Tulis baru ayat ngena sepil ti betul. 1. Jugam ngupak buah rian ngenak kukut iya ti 1. tajam sereta kering. 2. Tupai benung meratika Jugam ngolihka isi 2. buah rian ba langkhau kebun. 3. 3. Tekura benung nyolok buah kuini ngena penyuluk. B. Gaga ayat ngena leka jaku penyambung ti diberi bepelasarka gambar. enggau

sambil

lalu

tang

laban

3.2.1 (iii) (v)

24

Bungai Jaku Dingaka audio. Tum Ketumba Tum ketumba, Tu cherita dulu kelia, Dinga manah mih kita, Duduk jenuh enda lama. Tum ketumba, Baka Jugam enggau Kera, Besaup ngereja pengawa, Berat lempung sama ngema. (ulang 2x)

... , ... , ... , ... .

Aktiviti Nyadaka tum ketumba ngena entak sebut ti betul. Latih Nengkebang siti genteran tum ketumba belalauka gambar. 4.1.4

25 Audio 11

Pengukuh Seridi Tulis baru ayat di baruh tu ngena tanda bacha ti betul. 1. akai pedis amat kaki aku 2. dini alai sida nanam pun lensat 3. kera benung ngumpul buah mawang rian enggau temedak Pengaya Tembuka randau di baruh tu. Sapa empu kebun sayur nyin, unggal? ... 1.

Enggi sapa kebun pisang nyin, indai? 2.

Tisih Tulis siti karang belalauka rurun gambar di baruh tu.

26

1.

2.

3.

4.

...

Unit 5

rumah panjai kitai

Aram Mending enggau Bejaku Dingaka audio. Munggu Berangan Bala nembiak enggau pengajar SK Munggu Berangan nemuai ngagai rumah panjai Munggu Berangan.

Aktiviti Berandau senentang guna ruai, pantar enggau tanju ba rumah panjai ngena chara think-pair-share. Latih 1. Giga penerang ari internet senentang rumah panjai di menua bukai. 1. 2. Ba runding nuan, nama pemanah diau ba rumah panjai? 2. 1.2.2 (i) (ii) (iii) (iv)

27 Audio 12

Aram Macha Bacha dialog di baruh tu.

Hai, aku Duku. Gela aku Bujang Berani. Aku dikambuh ari besi chulin. Maya bumai aku dikena nebas babas tuai.

Aku Kisar. Gela aku Endu Sikar Tampun Puji. Aku dikena anak mensia ngisar padi. Aku chukup puas ati udah bebudi ngagai anak mensia. Terima kasih ngagai sida ti udah ngena aku.

Aku Chapan digela Dara Manah Mua. Aku dianyam enggau naka pengetan. Aku chukup gaga dikena nampi padi anak mensia. 28

Aku Tugal. Aku bejuluk Bujang Sikar. Tubuh aku kering sereta tan. Aku dikesayau sida Apai Antas dikena nugal umai bukit.

Aku Baka. Aku tu endun digela Dara Segala Mua dianyam ari wi. Aku semampai diasi sida ini dikena nyimpan padi ti udah beresi.

Hai, aku tu mih Ladung ti bejuluk Bujang Tampak Rita. Tubuh aku tegap dianyam ari wi. Aku tu mih ti dikena sida aya ngema buah rian.

Aktiviti Ngeluluka diri nitihka watak dalam teks. 2.3.2

29

Jalai Jaku Bacha ripot di baruh tu. Ripot Penemuai ke Munggu Berangan Gerempung Jaku Iban SK Munggu Berangan udah mujur nemuai ngagai rumah panjai Munggu Berangan kena 10 Jun 2020. Dua iku pengajar enggau 18 iku nembiak ngambi bagi ba penemuai tu. Bala kami begelumu ba SK Munggu Berangan pukul 7:00 pagi. Kami bekejang ari sekula pukul 7:30 pagi lalu datai ba endur ti dituju setengah jam udah nya. Ba rumah panjai nya, kami disambut enggau penuh adat basa. Sida bebaris panjai nyambut kami sepemanjai ruai. Sida ke dara bebajik diumba enggau ngepan asal Iban. Bala bujang sesigat bebaju burung mansau chechirak ngena lelanjang tinggi. Sida ke ngajat chukup pengelandik, lengan diayun sereta jari nitihka tabuh. Kira pukul 3:00 lemai, kami lalu mulaika diri ngagai sekula. Arapka program baka tu ulih diatur baru ba taun ti deka datai. Disediaka ulih, (JANTA ANAK GIRI) Sekretari, Gerempung Jaku Iban, SK Munggu Berangan.

Janta



15 JUN 2020

Aktiviti Kelala lalu gaga ayat ngena leka jaku adjektif gaya, adjektif chura, adjektif sukat enggau adjektif maya. 5.1.3 (i) (ii) (iii) (iv)

30 Audio 13

Aram Nulis Peratika pamphlet di baruh tu.

SELAMAT DATAI NGAGAI RUMAH PANJAI MUNGGU BERANGAN SUKUT INFORMASIONAL 1. Empat kilometer ari pasar Munggu Berangan. 2. Penyampau bilik bisi 36 pintu. 3. Rumah panjai digaga ari kayu. 4. Atap rumah digaga ari atap tebelian. 5. Tembu digaga ba taun 2002.

SUKUT SOSIAL SERETA AKADEMIK 1. Tiga iku nembiak udah tembu belajar ba universiti. 2. Lima iku gawa ba opis perintah lalu sekeda nya gawa kediri. 3. Bisi elektrik, ai paip enggau jalai. 4. Ngemerankan kaul dagang temuai.

Aktiviti Perambu langkar karang ngena kar sukung belalauka pamphlet. Latih Tulis karang bepelasarka pamphlet di atas. 3.3.1 (i) (ii) (iii)

31

Bungai Jaku Peratika jaku sempama belalauka gambar ti diberi di baruh tu. 1.

1. Jaku sempama: Baka perau patah kemudi. Reti: Pengawa ke dikereja nadai pemujur laban nadai nemu orang ulih ngiring. Chunto ayat: Pengidup iya baka perau patah kemudi sekumbang dua taun tu laban nadai orang ngiring ngereja pengawa ba rumah panjai.

2.

2. Jaku sempama: Munyi burung makai buah kara. Reti: Orang ti kelalu richah bejaku. Chunto ayat: Nembiak Primari 1 dianu Pengajar Kanyan laban kelalu inggar baka munyi burung makai buah kara.

3.

3. Jaku sempama: Ngarapka kijang dalam babas. Reti: Ngarapka utai ti bedau temu. Chunto ayat: Kitai patut bebendar gawa ngiga belanja lalu enda ngarapka bantu suah datai, anang baka ngarapka kijang dalam babas.

Aktiviti Ngena chara beraban, beratika jaku sempama ti bisi dalam teks sereta kaul iya enggau pengidup besehari-sehari. Latih 1. Ba penemu nuan, nama pemanah jaku sempama dikena lebuh bejaku. 2. Tulis tiga iti jaku sempama bukai ti ditemu nuan. 4.2.1

32

Pengukuh Seridi Isi lapang di baruh tu ngena jaku adjektif ti engkeman.

Kitai patut nurun ... ke sekula. ( laun / tumu )

Selampai ti dikena indai Janta ... chechinang. ( mirah / chelum )

Pun nyiur nya ... gegelai ditimpai ari ujung tanju. ( tinggi / baruh )

Aki Jimbat ... ngukir sarung duku. ( lembau / landik )

Baku sirih sida indai Antas nyau ... laban udah dikendas ngena kain. ( beresi / kamah ) Pengaya Tulis ayat ngena jaku adjektif di baruh tu. kempis

kelia kelabu

chundung lusa 33

Tisih Bacha jaku peransang lalu saut tanya di baruh tu. Bala kita tu agi besekula, Belajar mih kita bebendar, Ngambi kita ila nuchung baka bukit, Ngebung baka langit, Ba sekula jaga diri enggau menyana, Ulah ti manah patut dikembuan, Ulah ti jai nyadi sempadan, Anang baka buyah nabak diri ngagai api, Enggaika jemah ila pengidup nuan nadai reti, Biar pengelandik begembar penemu, Ulah manah ati tuchi chiru, Ngereja pengawa bisi tuju, Bejaku menuku jauh perening, Anang baka nibarka jala enda betating.

1. Liska tiga leka jaku adjektif ti bisi dalam teks. 2. Liska lalu giga reti leka jaku sempama ti bisi dalam teks. 34 Audio 14

Unit 6

pemakai kitai

Aram Mending enggau Bejaku Dingaka audio. Runai enggau Shanti berandau ba palan bala nembiak ke bepekit nyumai. Shanti: Selamat pagi, Runai. Nama pengawa nuan? Runai: Selamat pagi mega Shanti. Aku benung nyediaka kereban dikena bepekit nyumai. Shanti: Pia. Manah bendar nya. Runai: Au. Raban kami berasai temegah bendar ati laban udah dipilih ngagai renggat kepenudi pekit nyumai. Shanti: Nama bansa pemakai ti deka disumai kita? Runai: Raban kami udah milih deka nyumai manuk pansuh. Shanti: Manah amat nya.

Aktiviti Berandau dikena meri respons ngagai audio ke didinga. 1.3.1 (i) (ii) (iii) (iv)

35 Audio 15

Aram Mending enggau Bejaku Dingaka audio entelah di baruh tu. Begiga Entelah Lalai 1: Maya mit mesai sumpit, Lalai 2: Maya ngerembai mesai terabai. Tekura niki tiang telentang gadak-gadak, Ulu lungga: Pun mawang Lelabi nengah titi tegali lakak-lakak. Saut: __________ Ulu lungga: Tali Saut: __________

Lalai 3: Ujung kaki besangking gerunung, Pun disengkilung tedung bemulut lunchung. Ulu lungga: Kuah kari Saut: __________

Lalai 5:

Betisik baka baya, Besanggul simpul segala. Ulu lungga: Beras

Lalai 4: Kulat kerang tumbuh di batang, Enda alah dipusil jari besundang. Ulu lungga: Dinding Saut: __________

Saut: __________

Aktiviti 1. Ngena chara beraban, bacha lalu giga saut entelah di atas. 2. Ngaga siti bup skrap senentang entelah anak mit ke bukai. 3. Mandangka bup skrap ti udah digaga dalam kelas. 1.3.1 (v)

36 Audio 16

Aram Macha Pemakai Kitai

Pansuh

Pais

Pemakai ti dipansuh enggau dipais tu dua bansa pemakai asal ke chukup nyamai diempa. Iya suah dinah ngagai temuai maya ngintu pengerami. Pemakai ti dipansuh baka manuk lalu ti dipais iya nya ikan. Dua bansa pemakai tu mudah disediaka sereta manahka pengerai. Diatu, iya udah dikomersialka nyadi pemakai ti dinahka di restauran.

Aktiviti Macha teks lalu ngulihka penerang. Latih Ngena chara hot seat, liska penemu senentang pemakai tradisyen ke bukai. 2.3.3

37 Audio 17

Jalai Jaku Runai berandau ngena aplikasyen telefon enggau petunggal iya, Ensa ti benung belajar ba universiti.

Runai Online

Aka, bisi macha surat kabar sehari tu nuan? Bisi endun. Meri tabi puji ngagai raban kita ti udah menang ba pekit nyumai pemakai tradisyen. Pia mih aka, raban kami bulih mark ti pemadu besai. Sigi landik kita endun. Mayuh orang datai maya nya? Orang ti datai jelan iya ga pemayuh. Aku gaga amat ninga rita kita menang dalam pekit nya. Arapka kita mujur belama. Terima kasih, aka.

Aktiviti 1. Muntis jaku banding selama ari teks. 2. Ngena chara spin and think, tulis siti jaku banding enggau siti penguat jaku adjektif. Latih Tulis ayat ngena frasa di baruh tu. rajin amat

endang sikar

pemadu beresi

5.1.4 (i) (ii)

38

Aram Nulis Pemakai Tradisyen Bansa Kitai

Pemanah Pemakai Tradisyen • muntang dipanduk • enda ngena minyak makai • ngundan herba ti manahka pengerai

Chara Manduk Pemakai Tradisyen

lempis

kesuh

pansuh

Aktiviti Ngukun lalu nusun idea ngena kar sukung senentang pemanah pemakai tradisyen. Latih Tulis siti surat pekirum rama nuju bakih nuan senentang pemanah pemakai tradisyen. 3.3.2

39

Bungai Jaku Dingaka audio di baruh tu. Sedada Sama Seati, Sesingkang Sama Sekaki Maya gempuru pagi, Kepala Pengajar Kanyan meri jaku puji ngagai bala nembiak ti udah menang dalam pekit nyumai pemakai tradisyen. Aku berasai temegah ati meda bala kita udah mujur dalam pekit tu. Sida tu endang raban ke dipeda baka runggu ensing tang enti terebai apus ga sungai, nadai utai enda alah dikereja. Sida iya liat ati sereta lempung tulang. Nya mih kebuah sida bulih pemujur tu. Sida tu endang mang ari kepayang rendam sepagi, nyaing ari puting mata geraji. Kita ke bukai anang enggai bechuan, beteladanka sida tu. Meri tabi puji ngagai raban tu.

Aktiviti 1. 1. Ngelala jaku silup ti bisi dalam genteran teks. 2. 2. Ngena chara beraban, tulis jaku silup ti ditemu nuan. 3. Ngena chara gallery walk, bacha lalu tulis jaku silup ti ditulis 3. raban bukai. Latih Tulis tiga iti ayat ngena tiga iti jaku silup ti dipilih ari gallery walk dalam bup latih. 4.2.2 (i)

40 Audio 18

Pengukuh Seridi A. Saut entelah di baruh tu. 1. Lalai: Endun Rani nupi chapi, Di menua ili emperan asam, Tulang di tisi, isi di dalam. Ulu lungga: Gayung Saut: ... 2. Lalai: Indai Lipai mansai di punjung bukit, Bulih enseluai seraga-raga. Ulu lungga: Badu nginsit Saut: ... 3. Lalai: Ular sudu puntul iku, ditegu enda nganu kitai, Naga beperintik mata, enda ngelala sebarang utai. Ulu lungga: Dagin Saut: ... B. Tipak jaku silup enggau reti iya. 1.

liat ati

nadai orang ulih ngalah

2.

ngeruh ai

lantang sereta senang pendiau

3.

mara diau

enggai enda enggau orang nguji

4.

sapu menalan

enda mantul lebuh ngereja pengawa

41

Pengaya Nuan udah ngabang Hari Raya ngagai rumah sida Suraya. Tulis surat ngagai bakih nuan senentang pemakai tradisyen ti bisi dinahka maya nya. Tisih Isi lapang ngena jaku silup ke diberi.

jamah udah japai udai

dulu ngetup garam

diau diri

matahka lengan

lempung tulang

Lemai nya, Runai nulung indai iya bebela di dapur. Iya enggai ... aja. Indai Runai ngajar iya chara mais ikan. “Landik endar nuan nih indai,” ku Runai muji indai iya. “Kati enda landik dih, indai nuan ga ... ,” ku apai Runai. “Peda nuan apai, udah tembu iya mela ikan nya,” ku Runai. “Tak ... indai nuan ngereja pengawa,” ku apai Runai. Runai berenah makai. Sida iya pan ... belauk ikan pais. Udah tembu makai, Runai enggau aka iya ... nulung indai iya masu pinggai. 42

Unit 7

menua dijaga pengidup menyana

Aram Mending enggau Bejaku Sebut leka jaku dalam gambar ngena intonasyen ti engkeman. nyiur

bayak serati tekura kesa

engkatak

kesulai

tawir belut Aktiviti

batu

1. 1. Liska leka jaku ti ngundan konsonan, konsonan turu, vokal tebuka enggau vokal besekat glotis ngena kar kayu. 2. Ngena chara talking chip, nembiak nyebut leka jaku ti ngundan 2. konsonan, konsonan turu, vokal tebuka enggau vokal besekat glotis. 1.4.1 (i)

43

Aram Macha Bacha teks berita online di baruh tu.

https://www.onlineberitamenua.com.my/

Online, 27 Jun 2020, Hari Enam. Tiga Jam Tepekul, Empat Iku Ulih Diselamatka MUNGGU BERANGAN – Empat iku diri sebilik tepekul ba rumah sepengelama tiga jam ketegal bah. Sida ulih diselamatka urung pukul 10:30 pagi. Semua sida ke tasah diau ba palan pengenduh SK Munggu Berangan. Tuai Opis Bomba enggau Penyah Penusah Malaysia, Sambau Anak Libau madah, ai ti kelalu deras nanggul pengawa nyelamatka sida. “Penusah tu nyadi ketegal ujan tiga hari berunggu. Parit alit laban uras lalu ngujungka bah. Jalai putus lalu reta tengkira anyut. Pia mega, utai ditanam enggau jelu tupi mayuh mati,” ku Sambau. Ngalih ke lemai urung pukul 5:00, ai udah surut lalu sida ke tasah diberi pemendar pulai ke rumah diri empu.

Aktiviti Betanya saut dikena nentuka isi teks ti dibacha. Latih Nulis isi teks ngena kar berurun-rurun. 2.3.4

44 Audio 19

Jalai Jaku Bacha lalu kelala jaku pengawa dalam teks. Sungai Beresi, Lantang Ati 1.

2.

Sida gaga amat ati mandi ba sungai.

Janta benung meda ikan dalam sungai.

3.

4.

Jimbat sebilik ...

Runai ...

Aktiviti Nembuka ayat ngena jaku pengawa belalauka gambar. Latih Tulis ayat ngena jaku pengawa ti diberi. nebah

duduk

bejalai

terebai

ngumpul

5.1.5

45

Aram Nulis Bacha diari di baruh tu. Diari Runai

Hari Enam, 18 Julai 2020 7:00 pagi Kami begempuru ba padang sekula. Kepala Pengajar Kanyan meri penerang senentang pengawa ke udah diperambu. 7:30 pagi Raban kami diberi pengawa meresi sungai. Udah nya, kami ngambi perengka ti diguna ari setor sekula. 8:00 pagi Kami mupuk bejalai nuju Sungai Berangan. 8:15 pagi Kami berengkah ngumpul uras. Uras ditugung lalu dibuai ke dalam tung besai. 11:00 pagi Pengawa tembu. Kami begempuru baru di padang sekula. Kepala pengajar meri puji sereta ngelalau ngasuh nyaga pemeresi menua. 11:15 pagi Kami beserumpu merarau. Pemakai disediaka raban apai indai nembiak. 11:40 pagi Meresi endur makai. Udah nya, kami mupuk pulai. Aktiviti Ngukun informasyen ngena kar rurun. 3.4.1 (i) (ii) (iii)

46 Audio 20

Bungai Jaku Bacha teks di baruh tu. Umai Indai Janta Pagi siti, indai Janta enggau indai Usun ngabas umai. Indai Usun: Aram wai, belubah tua meresa umai enggaika bisi akar kayu. Indai Janta: Au, wai. Bah, nama tu baka ke bisi telih! Bisi kami duai apai endun ngabas kemari, nadai ga meda bekau utai malam. Indai Usun: Pia, nih. Peda nuan kin wai, mayuh amat utai terebai. Jelu jelangkit pan mayuh ba pun kayu nyin. Indai Janta: Nya mih, wai. Lemai lagi aku mai apai endun ngitang tali ngambika enda dikachau bala jelu nya. Indai Usun: Ya, anang enda bejaga.

Aktiviti Ngiga reti jaku kelaung ti bechura mirah dalam teks. Latih Tulis ayat ngena jaku kelaung ti diberi. utai bau

begantung senduk

baru ngijap bubu

4.2.2 (ii)

47 Audio 21

Pengukuh Seridi Kelala lalu sebut leka jaku ti ngundan konsonan, konsonan turu, vokal tebuka enggau vokal besekat glotis.

Flora enggau Fauna di Menua Kitai

48

ensabi

semada

engkala

engkelulut

sikup

jugam

padi

nyelipan

Pengaya Tembuka cherita ikan bepelasarka gambar ti diberi. Jaga Mih Endur Kami 1

2

ai nyau majak keruh - muai uras - betebangka kayu 3

sinu meda - jengap-jengap - udah mati 4

nembiak sekula - meresi sungai - nanam pun buah

ai sungai beresi - gaga ati - endur likun

Hari siti, aku meda ai nyau majak keruh. Ati aku chukup irau. Udah nya, aku nyemerai ke ulu laban deka mansik ketegal utai tu nyadi. Aku tekenyit meda bala mensia benung muai uras enggau betebangka kayu.

Aku ... 49

Tisih A. Tipak jaku sempama enggau reti ti betul.

pait

jam urung pukul 2:00 lemai

buah lemba

pemerat tubuh anak mit

bekalih batang

perut anak mit

B. Pilih jaku pengawa ti engkeman. 1. 1. Janta enggau Shanti ( masu / mugar ) pinggai ba dapur. 2. Antas ( magi / nyadung ) bup teks Bahasa Iban Tahun 4. 2. 3. 3. Apai enggau indai Janta ( ngetau / ngarang ) padi ba umai. 4. Jimbat enggau Lee Ming ( mantun / nebang ) ngena bikung. 4. 5. 5. Sida Usun sebilik ( makai / nyumai ) serumpu ba rumah apai Janta. 6. Jimbat sekelas deka ngatur program ( ngelasi / meresi ) sungai pagila. 6. 7. 7. Bala nembiak Primari 4 Allamanda ( macha / nyada ) karang bekaul enggau rampa menua.

50

Unit 8

sayauka rampa menua

Aram Mending enggau Bejaku Dingaka audio. Jimbat madah ngagai bala bakih iya ke bukai dalam kelas senentang pekit ngaga Taman Herba SK Munggu Berangan.

Aktiviti 1. 1. Nusun penerang nitihka audio ti didinga ngena kar rurun. 2. Ngeluluka diri ngenataika jaku gerah ari audio ngena intonasyen 2. ti betul. 1.5.1 (i) (ii) (iii)

51 Audio 22

Aram Mending enggau Bejaku Baca teks di baruh tu. Taman Herba Kami Bala nembiak Primari 4 Allamanda enggau Pengajar Beremas berandau ba Taman Herba. Pengajar Beremas: Suraya: Janta: Antas: Lee Ming: Pengajar Beremas:

Selamat ngalih hari semua. Nama berita lemai tu? Manah, pengajar. Baru udah tembu bakut kami. Udah tu, kami ka nanam lia enggau lengkuas. Apu, nyau beterenjui peluh nuan Lee Ming! Nyamai amai tubuh aku udah pansut peluh. Manah amat pengawa kita tu. Nya alai, kitai patut begempung ngereja pengawa ngambika jampat tembu.

Aktiviti 1. 1. Ngeluluka randau ngena intonasyen ti betul. 2. Berandauka ukur pemanah ti bisi dalam teks. 2. Latih Liska jaku ruang maya, kaul penemu enggau jaku nyapa dalam teks ngena kar kayu. 1.5.1 (iv) (v) (vi)

52 Audio 23

Aram Macha Dinga lalu sadaka leka main di baruh tu.

Dindang Burung tiung burung peregam, Sama inggap ba ujung rangkang, Mesti bagas nurun besenam, Ngambi pengidup bisi peransang. Dani pagi terus mandi, Tembu mandi lalu besugu, Besenam meri pengerai diri, Pintar runding regas selalu. Ramban Kajang dih kunda wa, Aih kajang dih kunda wa, Dinga ga kita pungga, Chara nyaga rampa menua, Sungai kamah mesti diberesi, Menua manah ngerindu ati, Aram mih kitai janggi, Enti raun ba menua diri, Buai mih uras kita ila, Ba endur ti diberi.

Lagu SK Munggu Berangan tampak rita, Nembiak regas manah gaya, Rajin bekereja enda ngira maya, Landik belajar nemu gawa. Aram mih kitai sama seati, Begulai enggau pangan diri, Taman Herba manahka pengerai, Ngasuh kitai gerai nyamai. Sama-sama betempap jari, Ati gaga enggau pangan diri, Enti kitai pandai sekula, Jemah ila idup menyana. (Tiun lagu: Trek Tek Tek)

Aktiviti Nyadaka leka main ngena entak sebut ti betul. 2.4.1

53 Audio 24

Jalai Jaku Bacha teks di baruh tu. Subjek enggau Jaku Pengawa

Pengajar Seman nguluka nembiak ngerupan ba Taman Herba.

Jimbat nimbuk pun serai.

Suraya nanjah pun lengkuas.

Usun seduai Janta mantun rumput ba bakut bawang.

Rumput rangkai nya disapu Antas.

Tayar nya dichat chelum. Aktiviti Liska jaku pengawa ti bisi dalam teks. Latih Gaga tiga ayat ngena jaku pengawa ti bukai. 5.1.6

54

Aram Nulis Kukun idea bepelasarka gambar di baruh tu.

1.

2. 5.

Chara Nanam Lia

3. 4.

Aktiviti Ngena chara rally robin nembiak mansutka idea diri empu bepelasarka gambar. Latih Tulis karang bepelasarka idea ti udah dikukun. 3.4.2

55

Bungai Jaku Bacha teks di baruh tu. Jaku Sempama Selamat pagi, selamat datai. Aku berasai gaga ati meda sukung ari bala apai indai enggau pengajar ti udah nulung sekula ngaga Taman Herba tu. Kitai tu baka manuk endang sekerungan, baka burung agi sepenepan endang patut besukung ngereja pengawa. Kelimpah ari nya, meri pengaga ati mega ngagai Pengajar Beremas enggau Pengajar Seman. Seduai tu dikesemaka baka merau sama tau, naik sama landik laban ti sama nemu sereta landik ngereja pengawa. Aku ngarapka kitai sama mujur dalam semua pengawa.

Aktiviti Liska jaku sempama ti bisi dalam teks. Latih Tulis reti jaku sempama nitihka konteks dalam teks. 4.2.2 (iii)

56

Pengukuh Seridi Tulis ayat ngena jaku pengawa bepelasarka gambar. 2.

1.

...

3.

...

...

Pengaya Tulis genteran ayat ngena penanda kaul ti diberi belalauka gambar. Chara Nanam Chabi Di Dalam Polybag

Keterubah

Udah nya Kepenudi

57

Tisih Peratika gambar lalu gaga latih di baruh tu. 1. Liska lima jaku pengawa ti bisi dalam gambar. 2. Tulis lima iti ayat ngena jaku pengawa belalauka gambar. 3. Ba runding nuan, nama pemanah pengawa ti digaga dalam gambar.

58

Unit 9

lanting menua

Aram Mending enggau Bejaku Dingaka audio. Pengajar Beremas betanya saut enggau nembiak Primari 4 Allamanda senentang nyaga rampa menua.

Aktiviti Ngena chara role play, betanya saut ngena jaku ti belebas senentang chara nyaga rampa menua. Latih Ba runding nuan, nama pengawa patut dikereja kitai kena nyaga rampa menua? 1.6.1 59 Audio 25

Aram Macha Bacha teks di baruh tu. Tanah Belimpah Siti ari penguntung betanam betupi iya nya ulih nyungkak penatai pemisi. Asil betanam betupi dijual dikena nambahka belanja. Duit nya disimpan ke penabat. Pengawa tu mega ulih dikereja maya lepa seraya mansutka peluh kena nyaga pengerai. Pengerai amat beguna dalam pengidup kitai.

Aktiviti Macha lalu meratika gambar dikena ngulihka batang penemu. Latih 1. 1. Liska bansa utai ditanam enggau utai ditupi dalam gambar. 2. Enti nuan betanam sayur, baka ni chara nanam sayur ti 2. manahka pengerai? 2.4.2 (i) (ii)

60

Jalai Jaku Jaku Pengawa Transitif Jaku pengawa transitif nya jaku pengawa ti mesti ditangkan jaku nama ti nyadi objek ke penyambut iya. Jaku Pengawa Transitif nanchang nyauk nyipak manduk nampi

Objek tali ai bol lauk padi

Chunto ayat ti ngundan jaku pengawa transitif. 1. Antas nanchang tali perau. 2. Lamban nyauk ai ngena beledi. 3. Jimbat nyipak bol nuju mua gol. 4. Indai Shanti manduk lauk di dapur. 5. Ini Runai nampi padi ngena chapan.

Aktiviti Ngena chara beraban, liska lima iti jaku pengawa transitif ke bukai ngena kar segala. Latih Tulis lima iti ayat ngena jaku pengawa transitif ti udah diliska dalam bup latih. 5.1.7 (i)

61

Jalai Jaku Jaku Pengawa Intransitif Jaku pengawa intransitif nya raban jaku ti nadai nerima objek terus. Iya mega tau diimbai rentayan jaku penerang ti nyadi ke penembu ba ayat nya. Jaku Pengawa Intransitif Nadai bepenembu tinduk tuchum bejalai pulai

Bepenembu diau nyait nyumai nyauk

Chunto ayat ti ngundan jaku pengawa intransitif bepenembu. 1. Indai Lamban nyait baju. 2. Sida iya diau di rumah panjai. 3. Raju nyauk ai kena bebasu pinggai. 4. Indai Janta benung nyumai di dapur. Chunto ayat ti ngena jaku pengawa transitif nadai bepenembu. 1. Ensa tuchum. 2. Aki Seman nyau bejalai. 3. Adi Shanti benung tinduk. 4. Bala nembiak udah pulai. Aktiviti Ngena chara beraban, liska jaku pengawa intransitif bepenembu enggau nadai bepenembu ke bukai ngena kar kayu. Latih Tulis lima iti ayat ngena jaku pengawa intransitif bepenembu enggau lima iti ayat ngena jaku pengawa intransitif nadai bepenembu ti udah diliska dalam bup latih. 5.1.7 (ii)

62

Aram Nulis Chara Ngintu Kampung Galau Mayuh chara dipejalai ngambika kampung di menua kitai meruan bisi dipeda generasyen dudi.

Matau kampung ngena teknologi.

Kimpin sayauka kampung.

Enda tau nginti. Ditagang ngasu. Anang nunu babas. Anang nebang kayu.

Neritka undang-undang.

Nanam kayu.

Aktiviti Ngasilka siti langkar karang belalauka idea di atas ngena kar sukung. Latih 1. Ngena chara beraban, tulis siti karang belalauka langkar ti udah digaga. 2. Bacha karang ti udah tembu ba mua kelas. 4.2.2 (iv)

63

Bungai Jaku Dingaka audio lalu bacha genteran karang di baruh tu. Jamah Udah, Japai Udai Nembiak Primari 4 Allamanda besaup meresi palan bemain. Usun enggau Shanti ngumpul uras. Sida ti bukai ngereja pengawa nitihka agih. Pengawa sida jampat tembu laban lempung sama nanggung, berat sama ngangkat. Nya mih, kumbai orang jamah udah japai udai.

Udah tembu pengawa, sida lalu ngetu. “Nyin apai aku udah datai,” ku Usun. “Au, mupuk dulu mih nuan. Ingat, berumban baban semalam di rantu jalai, jamah lubah nya ke tumu datai,” pia ku Shanti. Enda lama udah nya, apai Shanti pan datai. Udah nya, sida sama bela mulaika diri enggau ati ti gaga. Aktiviti 1. Kelala bagi jaku lalau pendiau dalam genteran karang. 1. 2. Gaga siti penanda bup ngena dua iti jaku lalau pendiau ti bukai. 2. 64 Audio 26

Pengukuh Seridi Tulis (T) ba ayat ti ngundan jaku pengawa transitif enggau (I) ba ayat ti ngundan jaku pengawa intransitif. 1. Indai Suraya benung joging. ( ... ) 2. Indai Sim Ai Chen meli baju baru. ( ... ) 3. Antas enggau aka iya bemain bol. ( ... ) 4. Pengajar Beremas mai nembiak iya belelak. ( ... ) 5. Kepala Pengajar Kanyan rindu ninga nembiak iya nusi ensera. ( ... ) Pengaya Isi lapang ngena reti jaku lalau pendiau ti engkeman. Agi idup agi gawa ngulihka reta.

Angkat sereta bebala mayuh.

Ngarapka utai ke bedau temu ulih tauka enda.

Bejaku mayuh tang nadai pengelandik ngereja pengawa. Ngemeranka adat basa ba sebarang maya enggau endur.

1. Angkat engkerawai. Reti: ... 2. Agi bekulit agi bedaki. Reti: ... 3. Ngarapka kijang dalam babas. Reti: ... 4. Ragak riang, dirujak enda bulih sepuntung munti. Reti: ... 5. Bejalai betungkatka adat, tinduk bepanggalka pengingat. Reti: ... 65

Tisih A. Isi lapang ngena jaku lalau pendiau ti engkeman. 1. Kitai anang … aja. Kitai mesti nurun bekereja laban utai nadai tau datai kediri ke rumah. A. angkat engkerawai B. agi bekulit agi bedaki C. ngarapka kijang dalam babas D. ikak lelengak ikan enda ngaban, kudi memuri ari enda ujan 2. Igat Laga suah disebut orang … laban pama endar seregah iya maya bejaku tang penemu enggi iya agi kurang. A. batu tungku pan tau besengki B. baka kepayang ngadaka dilah C. remaung di rumah, raung di tanah D. ragak riang, dirujak enda bulih seputung munti 3. Udah tembu merarau, bala temuai nya … laban beguai deka mulaika diri ngagai menua diri empu. A. angkat engkerawai B. baka perau patah kemudi C. baka timau jampat medah D. mayuh tai nyumbuh, banyak tai badak B. Tulis ayat ngena jaku pengawa transitif enggau jaku pengawa intransitif ti diberi. 1. meda 2. belanda 3. nangkap 4. makai 5. nyapu C. Tulis siti karang ti menyana belalauka penerang di baruh. Chara Nyaga Rampa Menua • besaup nanam pun kayu • neritka undang-undang kampung • enda muai uras sengapa alai • bejalaika konsep 3R (Reduce, Reuse, Recycle ) 66

Unit 10

KEBUN APAI ANTAS

Aram Mending enggau Bejaku Dingaka audio. Betanam Chara Moden

Betanam Chara Lama

Aktiviti 1. Kerandauka bida betanam chara moden enggau chara lama. 2. Ba runding nuan, nama bansa sayur ti ulih ditanam ngena chara fertigasyen? 1.6.2

67 Audio 27

Aram Macha Dingaka audio. Segang Pemansang Aku deka belagu dinga kita semua, Bekebun chara baru fertigasyen diberi nama, Tanam kitai diatu mansau bulan ketiga, Asil majak nambah ngasuh ati gaga, Nya Munggu Berangan jelai tampak rita. Sum tau dikena taja tanah nadai, Sambung ngena hos ti chukup pemanjai, Ai enggau baja lalu dipegulai, Injin pam dipasang nuju polybag besai. Suba balat ngerachun ngerusak rampa menua, Buah enda tentu mina seleka dua, Diatu nadai penyakit asil belipat ganda, Peminta chukup tinggi duit simpan belama. Teknologi baru endang chukup ngasi, Bedagang manah udu nambahka jereki, Kerembaika penemu belajar tiap hari, Ngambi kitai maju pengidup lantang berari. (Tiun: Pantun Bulan) Aktiviti 1. Nyadaka leka main nitihka tiun Pantun Bulan. 2. Liska pengelebih betanam chara fertigasyen ngena kar segala rata. Latih 1. Rintaika leka jaku ti senimbal enteli dalam teks. 2. Ba runding nuan, berapa lama asil ulih dikarang ngena chara fertigasyen? 2.4.3 (i) (ii) (iii)

68 Audio 28

Jalai Jaku Aram bemain. Sehari ba Kebun Apai Antas

15

18

17

16

19 -5

20

21

22

14 13

12

11 -3

10

9 8 7

1

2

3

4

6 -4

5

Pitak 1 3 5 7 9 12 13 15 17 20

Pengawa nanchang tali kasut nanjah sayur nyangkul tanah ngasur kerita surung ngangkat bakul mantun rumput nebang kayu ngesan papan ngema raga manuk makai

Chara bemain. 1. Bemain ngena dadu. Kinsitka buah nitihka lumur ba dadu. 2. Keluluka jaku pengawa enti ngetu ba lumur ti disediaka. 3. Nikal nitihka penyampau lumur ti bechura biru. 4. Datai ba pitak ti bisi perais, dikira menang. Aktiviti Ngeluluka jaku pengawa enggau betul. Latih Tulis ayat ngena jaku pengawa ti diberi. nusun

nyimpan

nanggung

5.1.7 (iii) (iv)

69

Aram Nulis Peratika gambar enggau rambai jaku ti disediaka. Liat Ati Ngidupka Diri 1.

2.

nurun ke kebun - chabi mayuh layu - tusah amat ati

Opis Betanam Betupi - minta lalau ari pemesai - ngena chara fertigasyen

3.

4.

takah seminggu - nulung masang kereban - nerangka chara nanam

ngarang asil tanam - nyual ba tamu - gaga amat ati nambahka penatai pemisi

Aktiviti Ngena chara beraban, gaga karang belalauka gambar enggau penerang di atas. 3.5.1 (ii)

70

Aram Nulis Bacha teks di baruh. Program Nambahka Penemu Ujung minggu tu tadi, Pengajar Beremas bisi ngatur program ngelawa kebun chabi fertigasyen apai Antas. Kami sekelas dibai iya magang. Kebun apai Antas nya tebilang laban udah mansutka asil ti amat mayuh sereta dagang iya mujur. Datai di kebun, kami disambut enggau chukup basa ari sida apai Antas sebilik. Kami rindu amat meda pemayuh chabi. Apai Antas madahka kami chara nanam sereta nyaga chabi enggau betul. Kami gaga ati laban iya udah meri pemendar ngagai kami nanam anak chabi ke dalam polybag. Benung kami ngisi tanah ke dalam polybag, enda mukai-mukai hari pan ujan. Kami lalu dibai apai Antas beteduh ba langkau kebun iya. Maya nya, iya nusika kami penanggul ti ditapi iya maya ngepunka pengawa betanam chabi. Ujan ngetu, kami lalu nyambung pengawa tadi. Tanah nyau luchak, kami pan kena latak. Bala kami enda mai gari lebih laban enda nyangka hari jai. Enda berasai, hari pan lemai. Sebedau mupuk pulai, kami meri terima kasih ngagai apai Antas ke udah meri penerang senentang nanam chabi fertigasyen.

Aktiviti Ngena chara beraban, kerandauka refleksyen senentang pekara di baruh tu. A. Penguntung enggau pengurang ari program di atas. B. Penanggul ti ditapi nembiak maya program nya. C. Beri sadang dikena mutarka penanggul ari program nya.

Latih Tembuka lumpung karang naratif di baruh tu. “Aku ngangkut sum tu ngagai langkau. Nuan enggau Antas dulu ngabas kebun chabi din, indai dom. Lagi aku nitih,” ku aku madah ngagai indai Antas. Benung aku kiruh ngangkut sum, aku tekenyit ninga indai Antas ngangau. “Apai dom! Apai dom! Jampat kitu nuan. Peda kebun chabi nyin,” ku indai Antas nyau sengah-sengah. Aku lalu belanda. Datai di kebun chabi, ... 3.5.1 (i) (iii)

71

Bungai Jaku Bacha teks di baruh tu. Jaku Sempama Antas nerima tepa ti dibeli apai iya di Kuala Lumpur. bepaut pending

Apai Antas nyau bebendar ngema selabit. beketup sima

Antas belanda penapat inat laban enggai digelih nembiak bukai. buah jari Aktiviti Tipak jaku sempama enggau konteks ti engkeman. Latih Gaga ayat ngena jaku sempama ti diberi. ati hari 72

gerah jari

berat belakang

Pengukuh Seridi Kelulu jaku pengawa di baruh tu. masu OOOOO gari 00:00

ngasur basikal 00:00 OOOOO

ngesanOOOOO guni 00:00

merus OOOOO ngeli 00:00

nibarkaOOOOO jala 00:00

nyepu gelembung OOOOO

00:00

Pengaya Tulis ayat ngena jaku pengawa bepelasarka gambar ti diberi.

Pengawa Antas maya peremisi sekula

73

Tisih A. Tipakka gambar enggau jaku sempama ti diberi. urat kayu

betubuh bisi

buah tapang

B. Isi lapang ngena jaku silup di baruh tu. ngeruh ai

injau kara

bengal beruang

1. “Aki Usun enda malik enti enda inggar dikangau laban iya ... ,” ku indai Usun. 2. “Aku tu enggai enda enggau orang ... taja ngasaika diri enda deras belanda,” ku Jimbat ngemaruhka diri. 3. “Tu bup nuan ti diinjau aku sehari nya, Jimbat. Aku minta ampun laban laun nganjung. Enda alah dikumbai nuan ... ,” ku Lee Ming.

C. Pilih jaku pengawa ti engkeman. 1. Antas nulung indai iya meri manuk ( tinduk / makai ). 2. Apai Antas ( bedaja / ngarang ) asil kebun ba tamu. 3. Apai Lee Ming suah ( nyual / meli ) chabi ari apai Antas. 4. Usun seduai Janta ( bemain / belajar ) ba librari tiap ujung minggu. 5. Kepala Pengajar Kanyan ( nusi / ngelalau ) nembiak ngambika nyaga pemeresi kandang sekula. 74

Unit 11

Sayur Organik Bemacham Bansa

Aram Mending enggau Bejaku Randau Ruai Keluluka randau di baruh tu. Selamat pagi semua. Aku Tomato. Aku ngundan vitamin sereta manahka pengerai. Aku tau diempa mata, digagaka sos tauka disumai nyadi lauk.

Manah nya. Arapka kitai enda leju meri nutrien.

Sama mih. Aku Retak Menuang. Aku mega ngundan vitamin. Ira aku ulih dikena nyeliahka ngebal.

Amat nya Tomato. Aku mega baka kita. Taja pedas, tang manahka pengerai sereta dikerinduka semua orang. Maya puda, aku bechura gadung. Udah mansau, aku bechura mirah. Aku mega digagaka sos.

Aktiviti Kerandauka batang penemu enggau penerang lalu beri chunto belalauka teks randau. Latih Ngena chara beraban, tulis leka jaku ti bekaul enggau penteba sayur bukai ti ditemu. Udah nya, ngena chara gallery walk, lekatka asil kereja ba kelas. 1.7.1 (i) (ii)

75 Audio 29

Aram Macha Dingaka audio. Pendiau Pengidup Kami Chabi duduk sambil belagu. Tomato lalu nyapa iya. “Manah amat buah nuan wai Chabi. Bebuah geduk sereta bechura mirah jera. Tentu nyamai sos ke digaga ari buah kita,” ku Tomato. “Nuan baka nya mih wai Tomato. Nyau pepelu gamal nuan baka telu manuk kepayang. Segala ina, manah amat ditimpai mata,” ku Chabi. Benung seduai berandau, enda mukai-mukai Tomato nyerauh.

76

“Apu, peda nuan Entadu nyin! Majak iya ngansak kitu. Deka ngetup aku. Iya tak bejalai lubah. Nemu deka ngachau orang,” ku Tomato. Datai Entadu semak Tomato, iya lalu enda chechamang deka nganit. Chabi beguai angkat lalu nagang. “Anang nuan makai iya. Awakka buah iya meruan manah. Isi iya ila deka dikena orang ngaga sos. Kitai mesti begulai manah enggau pangan diri,” ku Chabi. “Minta ampun ngagai nuan, Tomato. Aku nesalka penyalah diri,” ku Entadu. Belabuh ari sehari nya, sida pan bebakih.

Aktiviti 1. Berandau lalu ngelala pengelulu dalam cherita. 2. Ngeliska pengelulu dalam cherita ngena kar segala rata lalu pandangka ba mua kelas. Latih 1. Manding enggau mida pengelulu di baruh tu. (a) Chabi (b) Entadu (c) Tomato 2. Ba runding nuan, nama kebuah kitai patut betulung enggau pangan diri? 2.4.3 (iv) (v) (vi)

77 Audio 30

Jalai Jaku Jaku Penempat Endur enggau Adap Apai Usun betemu enggau bakih iya ba tamu damping Sungai Berangan. Bakih iya deka meda kebun fertigasyen chabi. Ba pun jalai, bakih iya bisi meda kebun fertigasyen tomato muak ari kiba Jalai Belatok. Udah nya, sepiak kanan jalai bisi Homestay Apai Jimbat. Pegung ikan semah sida Runai serumah adap ke utara Jalai Belatok. Seduai ngetu enda lama meda ikan semah ti ditupi dalam pegung. Seduai neruska pejalai nuju kebun fertigasyen chabi ti di seberai Sungai Berangan.

Aktiviti Ngelala lalu ngeliska jaku penempat endur enggau jaku penempat adap ngena kar kayu. Latih Tulis ayat ngena jaku penempat di atas. 5.1.8 (i) (ii)

78

Aram Nulis Bacha karang di baruh tu. Mimpi Rawan Aku benung berandau enggau Tomato. Aku bisi ninga munyi utai merengung. Aku ngetu dulu bejaku. Munyi nya makin lama makin inggar. “Nama utai nya?” ku Tomato sambil malik ke atas. Aku tepedaka lalat. Mata iya mesai buah terung kanggan. Pending iya reridau mesai chapan Ini Andan. “Anang nuan takut Chabi. Peda nuan palan kitai tu, udah diserayung apai Antas ngena kibung. Enda kiruh ngena rachun iya nyeliahka lalat,” ku Tomato.

Aktiviti Ngelala lalu nuliska tanda bacha ti bisi dikena dalam karang di atas. Latih Asilka siti karang senentang Mimpi Aku ngena tanda bacha ti betul. 3.5.2 (i)

79

Bungai Jaku Dingaka audio. Ramban Pemansang Kajang dih kunda wa, Aih kajang dih kunda wa, Dinga dek janggi dinga, Aih ajar ga bala anda, Kitai ke agi besekula, Seruran meras ga deka maju, Belajar dek janggi bebendar, Maya peresa dek lumur satu. Landik dek ila janggi, Ngemansangka menua, Adat nyadika tenggau, Ulah manah meruan pendiau, Bebasaka pangan diri, Maya begulai nadai penangi, Serakup mih kitai janggi, Ngambika ila kitai pegari.

Aktiviti Ngena chara beraban, sadaka ramban di atas ngena patah nyawa sereta gaya ti engkeman. Latih 1. Tulis dua iti ukur pemanah ti bisi dalam teks leka main di atas. 1. 2. 2. Ba runding nuan, nama kebuah kitai patut beserakup dalam semua pengawa? 4.3.1 (i) (ii) (iii)

80 Audio 31

Pengukuh Seridi Pilih jaku penempat endur enggau adap ti betul dalam ayat di baruh tu. Tulis baru dalam bup latih. 1. Sida Ganesan mudik ke ( ulu / ili ). 2. Temuai nya datai ( ari / ke ) menua luar. 3. Badrul nyimpan bup ( atas / dalam ) beg. 4. Indai Suraya ngenahka lauk nya ( dalam / atas ) mija. 5. Kebun aki Seman ( damping / tengah ) tebing sungai Munggu Berangan. Pengaya Belalauka objek dalam gambar di baruh tu, gaga lima iti ayat ngena jaku penempat endur enggau jaku penempat adap. Dini Kami

81

Tisih 1. Tulis baru genteran karang ti bechura di baruh tu ngena tanda bacha ti betul dalam bup latih. Maya ujung minggu Usun suah nulung apai enggau indai iya gawa di kebun. Hari siti, sida tiga ngarang buah chabi ti udah mansau. apai ulih aku enggau nuan ngarang buah chabi indai ngasuh aku nulung nuan ngambika pengawa kitai tu lengkas tembu ku usun “Au, anak. Ambi raga ke dikaitka aku ba dinding,” ku apai Usun. udah tembu ngarang chabi sida tiga lalu mulaika diri ke rumah usun berasai gaga bendar ati laban udah nulung apai enggau indai iya 2. Tulis ukur pemanah belalauka ayat ti diberi. (a) (b) (c) (d) (e)

82

Ayat Entia macha bup ba librari maya lepa. Janta nulung orang buta nya ngelayang jalai. Simai masu jari sebedau enggau pengudah tembu makai. Kami sebilik ngena belulang pengelikun maya duduk dalam entukar. Lamban meli barang ti patut aja lebuh enggau indai iya ngalu ke pasar.

Ukur pemanah ... ... ... ... ...

Unit 12

PENGERami Sekula

Aram Mending enggau Bejaku Dingaka audio. Suraya enggau Janta berandau senentang pengerami sekula.

PENGERAMI SEKULA SK MUNGGU BERANGAN 29.08.2020 8:00 pagi – 6:00 Lemai * TIKET BETUAH * BEPERINDANG * BEDAJA ARAM SAMPAL DATAI!

Aktiviti Ngena chara beraban, giga lalu berandauka penerang ti bisi dalam banner ngena jaku ti lanchar sereta engkeman. 1.7.2 (i) (ii) (iii)

83 Audio 32

Aram Macha Bacha teks di baruh tu. Pengingat Manis Dikenang Kerebak tawas, Lee Ming enggau bala bakih iya udah datai ba palan bedaja sekula sida. Mata panas baru manchar nerangka dunya. Lee Ming enggau apai iya bejalai ngelawa pantar bedaja ti bisi dia. Benung bejalai, seduai betemu enggau Antas. Sida lalu duduk berandau. “Aya, bisi orang ngangauka nuan,” ku Antas. “Sapa dih igat?” tanya apai Lee Ming. Siku lelaki lalu mansang ngelawa sida tiga ke benung duduk ba bangku ke nunga Taman Sains Sekula. “Unggal, aku tu pangan nuan suba. Agi ingat nuan ke aku?” tanya orang nya. “Nuan tu ke sama kelas primari empat enggau aku suba?” tanya apai Lee Ming. “Ya, aku mih tu,” ku orang nya. Seduai betabi lalu beberap tanda pengelengau ke pangan diri. Enda berasai ai mata seduai labuh. Apai Lee Ming enggau bakih iya naka pengaga ati ulih betemu pengudah bisi 20 tahun beserara. Hari pengerami sekula tu udah nyadika pengingat alai seduai sekaban betemu baru.

Aktiviti Macha teks di atas lalu beratika isi cherita. Latih Tentuka pun, tengah enggau ujung cherita ngena kar rurun. 2.5.1 (i)

84

Jalai Jaku Bacha teks randau di baruh tu. Janta seduai Suraya berandau ngena telefon. Hello, Suraya. Dini kitai nganti Pengajar Beremas pagila? Hello, ba kelas. Pukul berapa nuan nurun ari rumah? Kira pukul 6:00 pagi.

Enti pia, kami duai apai ngagai nuan ke rumah. Udah nya, kitai nurun sereta.

Au mih. Jaku penempat ngagai enggau nuju nya dikena nunjukka kaul ti rapit. Dua leka jaku tu datai ari mua jaku nama tauka frasa nama lalu tau betukar kena.

Aktiviti Nukuka jaku penempat maya tauka jam enggau jaku kaul ti rapit. Latih Tulis ayat ngena leka jaku di baruh tu. ensana

pagila

nuju

ngelawa

5.1.8 (iii) (iv)

85

Aram Nulis Bacha teks di baruh tu.

Antas enggau Jimbat belagu benung.

Sapa enggau Suraya indai bedaja?

Nya, apu manah amat perais tiket betuah!

Aktiviti Ngena chara beraban kelala lalu kemetulka penyalah ba struktur ayat dalam bup latih. 3.5.3 (i)

86

Aram Nulis Bacha teks di baruh tu. Pengerami Sekula SK Munggu Berangan

MUNGGU BERANGAN, 29 Ogos – SK Munggu Berangan udah mujur ngatur program pengeramai sekula ungkup taun 2020. program tu kemarik dipenyadi kepala pengajar SK Munggu Berangan. beserimbai enggau nya gerempung Apai Indai enggau Pengajar bisi ngaga program bedaja kena nulung sekolah. Kelimpah ari nya bisi diatur pekit main bol entara sekula. sk munggu berangan udah mujur bulih champian sida iya bolih mangkuk pirak enggau mata duit RM200.00 lalu disempulang setipikit Aktiviti 1. Ngena chara beraban, ngelala sepil enggau tanda bacha ti salah dalam teks. 2. Ngemetulka sepil enggau tanda bacha ti salah dalam teks. Latih Tulis baru teks ngena tanda bacha enggau sepil ti betul dalam bup latih. 3.5.3 (ii)

87

Bungai Jaku Dingaka audio. Lalau Pendiau Aram kitai sama belagu, Betempap jari enggau ati rindu, Beserakup kitai enggau ati siru, Endang dikembuan ari dulu.

Nyema kitai nurun kereja, Mesti tua enggau liat ati, Bagas gawa endang dipuji, Ati gaga pengidup mujur.

Malik ke langit nengkadah bulan, Bulan terang nyerumba pasang, Penemu dagang patut dikembuan, Ngambi enda tinggal dunya pemansang.

Terima kasih ku meri basa, Nuju kita kaban semua, Budi basa patut dijaga, Pengidup kitai ulih menyana.

(Tiun lagu: Ambi Aku Nyadika Ganti)

Aktiviti 1. Ngena chara beraban, belagu nitihka tiun. 1. 2. 2. Kelala lalu terangka ukur pemanah enggau adat basa dalam lagu. 4.3.2

88 Audio 33

Pengukuh Seridi A. Tulis baru ayat di baruh tu ngena tanda bacha ti betul. 1. apu mayuh amat orang datai 2. jimbat nulung indai iya bedaja 3. nama bansa pemakai bisi dijual maya nya 4. apai shanti enggau apai janta ngelawa pengerami sekula munggu berangan B. Kemetulka sepil leka jaku di baruh tu.

ken maioh belandak norun Kerja celum ngelintom

... ... ... ... ...

Pengaya Kemetulka struktur ayat di baruh tu. 1. ngagai rumah nemuai Sida Jimbat sebilik panjai ini iya. 1.

2. 2. “nganti pengajar Beremas pagila Dini kitai?” tanya Antas.

3. “Kami sebilik ngelawa Munggu Berangan rumah panjai lemai 3. kemari,” ku Lee Ming. 89

Tisih Pilih saut ti engkeman. 1. Suraya meli pemakai ... kantin sekula. A. ba C. tisi

B. atas D. dalam

2. Janta enggau indai iya nemuai ... aki iya di Limbang. A. lalu B. ari C. ke D. ngagai 3. Kedai baru apai Lee Ming ... Opis Betanam Betupi. A. semak B. nuju C. berimbai D. ngusung 4. Pilih ayat ke ngundan tanda bacha ti betul. A. Pasar tamu Munggu Berangan dibuka berengkah ari pukul 7 pagi ngagai pukul 7 lemai! B. mayuh bansa pemakai bisi dijual maya pengerami sekula kami C. Kemaya program pengerami sekula SK Munggu Berangan? D. Usun Runai enggau Janta landik selingkut, beramban enggau belagu 5. Pilih struktur ayat ti betul. A. pengawa apai Jimbat Nama? B. Menang bol main SK Munggu Berangan. C. mayuh datai temuai homestay kami ngagai. D. Berita pengerami sekula SK Munggu Berangan bisi dipandangka dalam internet. 90

Unit 13

Tamu Sk Munggu Berangan

Aram Mending enggau Bejaku Keluluka randau di baruh tu. Bekunsi Penemu Kini seduai wai?

Baka ni ngaga origami ? Ulih seduai bekunsi enggau aku chara ngaga iya?

Ngambi keretas bechura ari Pengajar Beremas kena ngaga origami. Au, ulih. Lagi aku bekunsi chara ngaga ngena telefon.

Aktiviti Ngena chara beraban, kelala jaku tanya dalam teks. 1.7.3 (i) (ii)

91

Aram Macha Bacha teks di baruh tu. Janta bekunsi enggau Shanti chara ngaga origami kebembang.

Origami Kebembang

Kereban dikena baka gam, guntin enggau keretas bechura. Chara ngaga: 1. Sediaka dua tukuh keretas bechura. 2. Lipat bela keretas tukuh segala enggau segi empat rata. 3. Jantilka keretas ke udah tembu dilipat ngena gam. 4. Tanchang tengah keretas ti udah dilipat ngena dawai pengias. 5. Kerembaika keretas ti udah dilipat. Origami kebembang pan tembu.

Aktiviti 1. 1. Ngena chara beraban, rintaika rurun pengawa belalauka teks di atas ngena kar rurun lalu nentuka tukuh teks. 2. 2. Pandangka asil kereja ba mua kelas. Latih Tulis chara ngaga siti asil pengelandik jari ti ditemu nuan. Udah nya, bacha ba mua kelas. 2.5.2 (i) (ii)

92 Audio 34

Jalai Jaku Atur Bedaja Jimbat enggau Lee Ming bejalai ba palan bejual maya Program Bedaja di SK Munggu Berangan. Seduai lalu macha jaku perintah tagang enggau jaku perintah asuh ti dipandangka ba palan nya.

• • • •

Makai ba palan ti disediaka. Anang berebut maya bebayar. Mai bakul kediri dikena engkah barang. Enda tau muai laluh pemakai sengapa alai.

Aktiviti Ngelala bagi jaku perintah tagang enggau jaku perintah asuh ngena kar kayu. Latih 1. Ngaga kad ti ngundan siti jaku perintah tagang enggau siti jaku 1. perintah asuh lalu diias. 2. 2. Mandang lalu macha asil kereja ba mua kelas. 5.1.9 (i) (ii)

93

Aram Nulis Surat Pekirum Perintah Nama enggau address pengirum

Nama enggau address penerima

Haribulan

Tuan, Jaku basa Minta Pemendar Ngatur Pekit Nyumai Pekara Enggau basa ke besai, pekara di atas diperatika. Aku Jaku pemuka ngarika Kelab Koperasi Sekula deka minta pemendar ngatur Pekit Nyumai Pemakai Tradisyen. 2. Pekit tu deka diatur kena 25 Oktober 2020 ba balai Isi surat sekula. Pekit tu berengkah pukul 2:00 lemai nyentukka pukul 4:00 lemai. 3. Semua pemekit mai kereban kediri empu. Bayar RM30.00 ke siti raban. 4. Kepenudi iya, ngarapka tuan ulih beratika pekara tu. Enggau pengarap ati ti besai, kami ngarapka peminta tu dikemendarka. Nya aja. Terima kasih. Penutup Sain penulis Nama penulis ditulis ngena urup besai Pangku pengawa

Aktiviti Beratika atur nulis surat pekirum perintah di atas. Latih Nuan nyadi sekretari Kelab Koperasi Sekula. Kelab kita deka ngatur pekit nyumai pemakai tradisyen. Belalauka penerang di atas, tulis siti surat pekirum nuju kepala pengajar minta pemendar ngatur pengawa nya. 3.6.1 (i) (ii) (iii)

94

Aram Nulis Surat Pekirum Rama No. 2A, Lorong Sebemban 15, Jalai Munggu Berangan, 96534 Munggu Berangan. 28 Oktober 2020 Tabi wai Dami, Nama berita nuan? Aku arapka nuan enggau kita sebilik bela gerai baka kami ti ditu. Wai, Minggu nyin tadi, sekula kami bisi ngatur Program Bedaja. Mayuh bansa barang enggau pemakai bisi dijual maya nya. Rega pan enda bangat mar. Seruas manuk pansuh berega RM10.00. Sup salai dijual enggau rega RM7.00 semangkuk. 100 gram ikan lempis berega RM6.00. Kelimpah ari nya, origami mega bisi dijual. Landik amat sida ngaga origami. Mayuh orang meli origami laban rega iya semina RM2.00 siti. Rindu amat ati kami maya program tu diatur. Naka tu dulu jerita aku. Bisi awak, ila tua betemu.

Bakih nuan,

Janta

Aktiviti

Belalauka gambar enggau penerang di atas, tulis tiga iti bansa barang ti bisi dijual maya program bedaja di sekula. Latih Tulis siti surat pekirum rama nuju bakih nuan ke benung belajar di menua bukai. Cheritaka senentang pemakai tradisyen ti ditemu nuan. 3.6.1 (ii) (iii) (iv)

95 Audio 35

Bungai Jaku Keluluka randau di baruh tu. Budi Basa Cheremin Bansa Udah tembu makai lemai nya, sida Janta sebilik begempuru ba bilik besai. Janta becherita senentang pengawa sida ke bedaja ba SK Munggu Berangan. Indai, laku amat origami dijual kami. Aya enggau ibu bisi mih meli. Au, apai. Jaku ajar nuan semampai nyadika lalau.

Baka nya mih endu. Bedaja enggau lurus ati orang sigi rindu deka meli.

Manah nya endu. Pandai amat kita bejual.

Aktiviti 1. Ngelala lalu tulis jaku kangau ti bisi dikena dalam teks. 1. 2. 2. Ngeliska lima iti jaku kangau basa ngena kar gelembung. Latih Ba runding nuan, nama kebuah kitai mesti ngena jaku kangau basa lebuh berandau enggau diri sebilik tauka orang bukai? 4.4.1 (i) (ii) (iii)

96

Pengukuh Seridi Tanda A bagi ayat ti ngundan jaku perintah asuh. Tanda T bagi ayat ti ngundan jaku perintah tagang. 1.

Anang muai uras ditu.

...

2. Lalu mih tama ke rumah kami.

...

3. Anang bemain di dalam kelas.

...

4. Uji bai bala menyadi nuan macha bup cherita.

...

5. Minta nuan ngumpul bup latih bala kita sekelas lagi.

...

Pengaya Tulis ayat ngena jaku kangau ke diberi di baruh tu dalam bup latih.

Sida Runai Sebilik

aka aki adi indai apai 97

Tisih A. Pilih saut ti betul ke tanya di baruh tu. 1. ... kebuah anak mit nya nyabak? A. Nama C. Baka ni

B. Berapa D. Dini

2. ... orang ti landik bendar nyadaka dindang nya? A. Dini B. Kemaya C. Berapa D. Sapa 3. ... palan pekit nyumai pemakai tradisyen deka diatur? A. Sapa B. Berapa C. Dini D. Lapa 4. Di dalam kelas Primari 4 Allamanda tu bisi ... iku nembiak lelaki? A. kemaya C. berapa

B. sapa D. nama

B. Tulis ayat ngena jaku perintah tagang enggau jaku perintah tanya di baruh tu. anang

jaga

enda tau

tembuka

ditagang

pansut

C. Nuan udah ngelawa palan bedaja di SK Munggu Berangan. Tulis siti surat pekirum rama nuju bakih nuan. Dalam surat nya, nuan becherita senentang program bedaja ti udah digaga. 98

Unit 14

DATAI mai PENGELANTANG, PULAI mai KENANG

Aram Mending enggau Bejaku Dingaka audio. Menua Tampak Rita Runai enggau Jimbat berandau enggau siku pemansik ari Opis Betanam Betupi.

Aktiviti Berandauka penguntung nupi ikan semah. Latih Ngena chara beraban, gaga kar segala rata dikena nerangka penguntung nupi ikan semah. 1.8.1 (i) (ii) 1.8.2 (i)

99 Audio 36

Aram Macha Bacha teks brosur di baruh tu.

• ... • ... • Berega • Laku • Nyamai • ... • ... • ... 

• ... • ...

Aktiviti Ngena chara beraban, kerandauka isi teks belalauka brosur. Latih Nembuka brosur belalauka penemu ti dikembuan. 2.5.2 (iii)

100

Jalai Jaku Keluluka randau di baruh tu ngena intonasyen ti engkeman. Makai Serumpu Pemulai ari palan nupi ikan semah, sida makai serumpu di rumah panjai. Unggal, lalu mih kitu. Ngetu dulu kitai.

Au, mih. Terima kasih.

Tuan, aram mih kitai bela matahka lengan.

Au, sama-sama mih kitai. Wai, uji nuan nuangka tua pansuh nya.

Indai Runai, minta nuan nyuaka aku lauk nya.

Au mih, apai endun. Aktiviti Ngelala jaku perintah peminta enggau jaku perintah pengelalu ti bisi dalam teks. Latih Tulis tiga iti ayat ngena jaku perintah enggau betul. 5.1.9 (iii) (iv)

101

Aram Nulis Bacha teks di baruh tu. Nasit Tudah Tekura

Hari siti, Tekura rindang nyemerai ke ulu. Datai ba nanga siti, iya tekenyit meda ai keruh. Uras pan majak mayuh.

Iya berumban mansutka diri ari ai. Enda mukai-mukai, idung iya asaika ditejal utai. Seput nyau majak sendat. Iya tekenyit meda bisi utai lekat ba lubang idung iya.

Kepuas kusil-kusil ngulihka utai nya, iya nyau anyut ke tebing. Tubuh iya berasai lelak lalu ngenatka diri ba atas batu. Enda lama udah nya, bisi dua iku mensia tepedaka iya.

... Aktiviti Nembuka karang belalauka gambar. 3.6.2

102

Bungai Jaku Bacha teks di baruh tu. Buah Kenang Malam kepenudi, Pemesai Opis Betanam Betupi ngarika bala raban pemansik meri jaku pengaga ati. Selamat lemai nuju bala kita. Aku gaga ati laban batang pengawa kami di menua tu udah mujur magang. Nya alai, aku meri besai terima kasih nuju Tuai Rumah Ningkan enggau kita serumah. Pementas kita amat dipuji. Kelimpah ari nya, penyiru kita nyaga pemeresi rampa menua udah nyadi buah kenang di menua bukai. Pia mega, kami meri terima kasih ngagai Kepala Pengajar Kanyan enggau raban nembiak ari SK Munggu Berangan laban udah ngatur pengawa ngerupan meresi sungai. Nyadi, dikena ngenataika pengaga ati enggau terima kasih ngagai semua bala kita, ditu aku nyuaka tepa nyadika tanda pengingat. Kena aku ngujung ke jaku, kitai sama besampi minta petara merekat pengawa kitai ngambika mujur belama. Terima kasih.

Aktiviti Ngelala lalu nyebut jaku pengaga ati enggau beterima kasih dalam teks. Latih Ngaga kad pengaga ati enggau terima kasih nuju Pemesai Opis Betanam Betupi. 4.4.2 (i)

103 Audio 37

Pengukuh Seridi Tusun leka jaku di baruh tu nyadi ayat perintah ti betul.

dulu.

ngirup

kupi

tu. senduk

104

Aya,

ke

aram

Endun, basu

rumah. Igat,

dulu

minta

nuan

uji

tepa

nya.

mih lalu

Unggal, nyuaka

Pengaya Peratika gambar lalu bacha teks di baruh tu. Mimpi Jimbat 1.

2.

3.

4.

A. Aku ngambi sebatang kayu ti panjai dikena ngulihka buah nya. Benung aku nguji deka ngambi buah badminton nya, enda mukai-mukai aku tekelinchir lalu labuh ke sungai. Antas nyau temati kutu. B. Aku lalu tedani. Aku tekenyit meda apai aku benung ngetanka berang aku. Taja pan kesal tang ati aku lantang laban nya semina mimpi. C. Lemai siti, kami duai Antas bemain badminton ba tebing sungai. Enda mukai-mukai buah badminton labuh ke sungai. D. Enda lama udah nya, pansut siku jelu ti chukup pemesai. Iya lalu merekuh aku. Tubuh aku asaika digusak. Aku nyerauh nyabak minta tulung. Latih Tusun lalu tulis baru cherita bepelasarka rurun gambar. 105

Tisih A. Saut tanya bepelasarka teks di baruh tu. Pengerusak Flora enggau Fauna Diatu, mensia gagit ngiga reta enggau pengaya ngena teknologi ti majak maju. Taja pia, rega dikena nyapai juluk ati nya amat tinggi. Rampa menua diayah ketegal pengerangka mensia. Pengawa nebang kayu ti enda beradat balat nyadi. Tanah tusur ketegal kayu abis ditebang. Mensia ti majak nambah begunaka pemakai ti mayuh. Kampung ditunu alai betanam betupi bedandang besai. Asap ngamahka angin ti ngundan oksigen dikena mensia enggau jelu enseput. Kelimpah ari nya, ulah mensia ngena jalai muntang ngiga duit mega bisi nyadi. Pengawa begiga enda betagang tau ngujungka jelu majak punas. Nya alai, kitai anang enda berati, anang enda nangi ngambika kitai enda rugi dudi hari. 1. Gaga siti kar berurun-rurun dikena ngenataika isi teks enggau engkeman. 2. Tulis tiga iti chara nyaga flora enggau fauna belalauka penemu ti dikembuan. 3. Ba penemu nuan, nama penyadi enti flora enggau fauna ba dunya tu punas. Terangka kebuah. B. Gaga ayat perintah ngena leka jaku ti diberi.

ulih

arapka

tulung

106

alau

minta

Unit 15

Ke LAngit Nyadi Bintang

Aram Mending enggau Bejaku Kerandau lalu kelala mata duit di baruh tu. Mata Duit Menua Bukai

TO

CH

UN

TO UN CH UN

Pengajar, mata duit chura kuning nya, ari menua ni?

CH

UN

TO

Nya mih mata duit Singapore, Dollar.

CH

Sehari tu kitai belajar ngelala mata duit menua bukai.

TO

Bala nembiak Primari 4 Allamanda benung berandau enggau Pengajar Seman senentang mata duit menua bukai.

Aktiviti Betanya saut senentang mata duit menua bukai ti bisi dalam gambar. Latih Liska nama mata duit menua bukai ti ditemu nuan. 1.9.1

107 Audio 38

Aram Macha Bacha teks di baruh tu.

Homestay Apai Jimbat Apai Jimbat siku ari orang dagang homestay ti udah mujur. Homestay apai Jimbat mega udah lama dikelala orang mayuh. Pemujur homestay tu berindik ari pengeliat ati iya ngereja pengawa. Temuai ti datai, mayuh agi ari menua Jipun enggau Singapore. Iya seruran ngasuh pengereja pengawa iya bebasaka temuai. Ketegal penyakah enggau penyiru apai Jimbat, dagang homestay iya udah maju dataika tikas entarabansa.

Aktiviti Ngena chara beraban kerandauka bansa pengawa ti ulih ngenataika pemisi dalam komuniti. Latih Liska bansa pengawa ti ditemu nuan. 2.6.1

108

Jalai Jaku Bacha teks di baruh tu. Juring Muting Geraji Jimbat enggau bakih iya merambu deka beramban lalu sida minta pemendar ari Pengajar Beremas. 1

Kati, deka seduai enggau beramban?

2 Ulih kami enggau beramban pengajar?

Au, deka kami duai.

3

Ulih.

4 Tau kami berengkah belatih diatu pengajar?

Nemban amat nya pengajar.

Lebuh maya nya ila, kita ngena ngepan asal Iban.

Tau.

Aktiviti Bacha teks lalu kelala jaku pemendar. Latih 1. Tembuka randau di baruh tu ngena jaku pemendar. Jimbat: Ulih aku nurun belatih beramban lemai tu indai? Indai Jimbat: ... anak. Belatih bebendar kita. Jimbat: ... indai. 2. Nama kebuah kitai minta pemendar sebedau ngaga siti-siti pekara? 5.1.10 (i)

109

Aram Nulis Peratika gambar di baruh tu. Ngatur Perambu Belanja Shanti ukai semina nembiak ti bebasaka apai indai tang mega landik bekelimat enggau belanja. Iya bisi perambu kediri empu lebuh ngatur belanja nyengkaum nyimpan duit laluh ti udah dibelanja.

Aktiviti Ngena chara beraban, kerandauka perambu belanja bepelasarka situasyen ti diberi. Latih Gaga perambu belanja diri empu ngena charta. 3.7.1

110

Aram Nulis Dingaka audio. Atur Mih Belanja Aram kitai wai sama betempap jari, Sereta belagu merindang ati diri, Ingat pangan semua belanja anang rua, Arap ulih simpan anang ngena sengapa.

Dani tumu pagi enda ibuh diasuh, Bai ati gaga betemu pangan mayuh, Duit beri indai anang meda pemayuh, Tepu dalam tabung nyema bisi laluh. Terima kasih pangan ngagai kita semua, Kami primari empat belagu ati gaga, Kitai patut nemu ngatur belanja diri, Kena kitai belajar ke luar nengeri. (ulang 2x) (Tiun Lagu: Air Pasang Pagi )

Aktiviti Ngena chara beraban nyadaka lagu ngena entak sebut ti betul. Latih Tulis karang pandak senentang chara nuan ngelimat belanja. 3.7.2

111 Audio 39

Bungai Jaku Dingaka audio. Pemulai bala nembiak mandangka main asal ari Amerika, sida disambut bala pengajar ngena pelandai puji gaga ati. Nyuluk Bintang Chukup gaga ati aku asi, Chukup rindu ati aku ambu, Temegah ati meda kita, Udah nyuluk bintang pegari, Endang sigi tau kita nembiak, Nukangka rang dabung nyawa, Ngarika nengeri menua Malaysia, Udah ngindik panggau menua Amerika, Kita tu mih anak disema baka bintang, Terang malam hari, Chukup landik endang patut dipuji, Sada nyawa kita nyada manah didinga, Empas munyi nyawa kita sama sereta, Patah entak sebut sama bela nyebut, Tungkat dientak sama semetak, Endang patut endang tau, Kita tu bulih lumur satu ari seribu. Aktiviti Ngena chara beraban nyadaka pelandai ngena entak sebut ti engkeman. Latih Tulis ayat ngena leka jaku di baruh tu. temegah

landik

gaga

rindu 4.5.1 (i) (ii)

112 Audio 40

Pengukuh Seridi Tembuka randau di baruh tu ngena jaku pemendar ti engkeman. 1.

2.

3.

Aram kitai belajar ngajat.

...

Ulih kitai berengkah diatu?

...

Kati patut kitai ngenanka waris pesaka bansa?

...

Pengaya Tulis karang pandak bepelasarka gambar.

nabung

likun ngena perengka

Chara ngelimat belanja

mai bekal

meli barang ti patut aja 113

Tisih A. Tulis lima ayat bepelasarka gambar di baruh tu.

Pengerami Nyuaka Setipikit

B. Gaga ayat tanya bepelasarka saut di baruh tu. 1. ... ? Ya, kitai patut datai tumu. 2. ... ? Au mih pengajar, pagila kami datai belatih. 3. ... ? Ulih, manah nya enti kita deka enggau bepekit betabuh. 4. ... ? Tau, kena mih ngepan asal Iban maya pengerami nya ila. 5. ... ? Amat, kitai patut begempung ngereja pengawa ngambika iya ti berat tau nyadi lempung.

114